玩具

我都算係一個玩具同遊戲機迷，自細都鍾意睇漫畫同打機，又或者抽扭蛋........ 我記得曾經聽過一句『男人愛高達，女人唔明白』，都確實係幾有趣，亦都係幾啱。你會發現可能有一半既男仔都會鍾意高達 (可能係我識既比率先有咁高)，有0的鍾意睇，有0的鍾意玩，亦都梗會知少少高達既野。女人就唔明有咩咁值得鍾意，成堆野0係度飛黎飛去。

這些看似係細個先會玩，其實你會發現大人先玩得多，例如之前既聖鬥士星矢聖衣神話系列，每隻約$300，一儲就有成幾十至一百隻，可能係用左$20k~$30k。又例如每個動漫而家都會出figure，由數百至數千蚊一隻，好明顯唔係俾細路仔玩啦，而個target group絕對係大人。

男人玩玩具先狼死，前日我先目擊有人用大約$1500~$2000買一隻超力電磁俠，我真係唔會捨得買。日前問左個同事點解鍾意幪面超人，佢答我唔知，不過細個冇錢買呢0的玩具 (呢個係一般細路都唔會有閒錢，而唔係講佢窮呀)，而家大個就有自己錢買，算係童年回憶啦。我聽完都有0的無奈，亦令我諗點解大人會咁鍾意玩玩具，會唔會就係呢個原因呢?

今日出席了同事的婚宴，這是第一次，亦都很高興出席，因為想了解別人是怎樣籌備婚宴。第一件令我感慨的事，是看到各人從小到大的片斷，想起自己亦都很快由一個小學生，到現在已完成大學出外工作。很想有多些回憶，要留下多些相片。

第二件令我感慨的事，是我總是覺得結婚要請到好多人，即是一二十圍是很難的，因為我並不覺得我有咁多朋友，希望到時各位親朋好友會俾面出席啦。

星期六睇了<童夢奇緣>，很感人亦很有啟發，人生真的很短暫，很多時過後才發現錯失了，已經不能重頭再來，願各位也會把握時間做自己認為應該做的事。

計劃已經失敗了，亦都發覺迫自己每日寫都好無意義，因為冇乜內容，都係有野先寫來得舒服。

早兩日忙於為阿鈞慶祝生日，希望妳會滿意同深刻啦~~~

今個月真係有0的忙，連星期六日都要返工，下個禮拜六又要考試，令到原定每個週末既特別團都取消晒~~~ 要更努力工作~~~~~~~

2008年第七個post~~~

近日終於又再次提起衝勁，想0係08年做好多野，例如生活變得規律、改晒0的壞習慣，要延續07年鋪落既路。

糖水會終於重新開張，得閒要keep返個regular meeting呀~~~

2008年第六個post~~~

竟然有人問我個title既問題，為左鼓勵自己keep住寫，所以個title係會『第x個post』咁架~~~ 可以睇下最終有冇365個post嘛~~~

今日實在終極撻皮，俾自己放最後一日假去迎接一連串既工作，今日去左搵一樣自己鍾意既野，間唔中都會咁樣去行下。雖然好浪費時間同幾無聊，不過我都幾鍾意做，呢0的就真係嗜好。

近日有friend有心事，0係開解佢既同時亦俾我諗返好多野，人與人走埋一齊確實有0的微妙。

尋日忘記提及兩位友人既提點，我會一直都記住，盡力去做啦~~~~